أحلي قصة حب (( هبة )) الحلقة الثانية...

الحلقه التانيه 

ادهم : ايه ده ازاي وامتي ؟
محمد : شوفت بقي ان مافيهاش رجوع تاني 
ادهم : يابني ده تلاقيها حركه 
محمد : كلمتها وسالتها وقالتلي اه
ادهم : كلمتها وقالتلك انه الكلام ده صح
محمد : ايوه قالتلي انه ابن زميل باباها في الشركه وانه شافها كذا مره في النادي اللي بتروحوا وانه معجب بيها ولما جيه اتقدملها وافقت عليه وقالتهالي بصراحه قالتلي اللي زي عاصم ده ميترفضش يامحمد انسان شيك وامور ومركز وابن ناس علي اساس اننا انا ابن تيت
ادهم : يابني اهدا بس
محمد : ده انا محروق دمي من ساعه ماعرفت قال وانا اللي رايح جاي عمال طاحن نفسي عشان اسعدها وهي الهانم بترتب ترتيب تاني خالص مصاحبه واحد وهتتجوز واحد تاني يابني ده انا كنت اريل
ادهم : محمد متقولش كده وبطل عبط انت عارف من الاول ان سلمي مش ليك وكلنا قولنالك بس انت السكينه كانت سرقاك وكنت مش شايف غير سلمي قايم نايم سلمي اسمها مش بيفارق لسانك وبعدين خلاص بقي اهي خدت الشر وراحت
محمد : بجد مخنوق اوي انا تعمل فيا كده طيب ليه ؟ ده انا محبتش حد غيرها ولا عمرها خونتها ولا عمرها اهتميت لواحده غيرها
ادهم : يابني خلاص بقي بقولك ايه ياواد الكلام بتاع النت ده انا ماليش فيه ومش بحبوا تعالي نتقابل في اي قهوه ونعد شويه مع بعض ونتكلم يلا سلام
محمد : ماشي سلام
........................................................................
ليلي بتتصل بهبه
ليلي "صديقه هبه في الكليه وجارتها "
ليلي : الو ايوه ياهبه انتي فين من الصبح
هبه : ايوه ياليلي معلش بس اصل عمي كان عندنا ولسه يدوبك ماشي دلوقتي حالا
ليلي : ماشي ياستي طيب تعاليلي بقي عشان عايزاكي في حوار كبير
هبه : دلوقتي
ليلي: ايوه دلوقتي الموضوع ميتأجلش اكتر من كده
هبه : طيب استني بقي هاشوف بابا يارب يوافق ولو وافق هاطلعلك علي طول موافقش هاكلمك في التليفون ماشي
ليلي : ماشي
قفلت ليلي مع هبه وراحت تكلم باباها
هبه : بابا
علي " والد هبه " : نعم ياهبه تعالي ياحبيبتي
هبه : ليلي لسه مكلماني وعايزاني اطلع اعد معاها شويه ممكن
علي : بس الوقت اتاخر ياهبه ده الساعه بقت 9:30 يابنتي
هبه : يابابا ماهي كانت عايزاني من الصبح بس انا مكنتش فاضيه انت عارف عشان عمو محمود كان هنا
علي : طيب اطلعلها بس ساعه وتنزلي ماشي اكتر من ساعه ما هاطلعك ليها تاني ماشي
هبه : ماشي يا بابا
فعلا طلعت هبه لـ ليلي
ليلي : تعالي ادخلي ادخلي
هبه : في ايه يابت قلقتيني
ليلي دخلت اوضتها ودخلت وراها هبه وبحكم ان ليلي وحيده وملهاش اخوات فهي ليها اوضه خاصه بيها لوحديها عكس هبه وامينه اللي بيعدوا في اوضه واحده
هبه دخلت اوضه ليلي رمت نفسها علي السرير : يااااااااااه ياليلي يابختك اد ايه نفسي احس بالحريه دي
ليلي : ياشيخه بلا حريه بلا زفت ده انا علي اخري خلاص
هبه : ليه بس صحيح هو عمو وطنط فين
ليلي : سافروا انهارده الصبح ماتباتي معايا ياهبه انهارده
هبه : لا بابا مش هايرضي خالص
ليلي : اعده بتفتح درج المكتب بطلع علبه سجاير وبتولع سجاره .... هبه اعده مصدومه
هبه : ايه ده ياليلي انتي بتشربي سجاير
ليلي : بتنفخ دخان السجاره وبتتنهد .... يوووووووووه من بدري تاخدي تجربي
هبه : بخوف .... لا ياستي انا كده تمام بس انتي من امتي بتشربي
ليلي : من بدري يابنتي من اول السنه وبشرب سجاير عادي يعني هي مش وحشه بالعكس دي بتعدل المزاج
هبه : اعده مصدومه وبدات تتكلم طيب قوليلي بقي في ايه حصل
ليلي : شوفتي الواد التيت ابن التيت كريم
هبه : ماله كريم ؟
ليلي : الاستاذ الاقيه بيكلم مين ؟ تخيلي كده
هبه : مين ؟!
ليلي : بيكلم البت فريده شوفتي فريده المكسحه ام كعب كوبايه دي بيكلمها عليا انا
هبه : ههههههههههه يابنتي حرام عليكي كريم بيحبك
ليلي : بيحبني ده انا هاخلي نهاره اسود
هبه : مستغربه من طريقه ليلي .... ليلي انتي اتغيرتي خالص انتي مكنتيش كده خالص انا مش عارفه ايه اللي غيرك كده عمرك ماكنتي بتشتمي حد ولا بتشربي سجاير ولا حتي كنتي بتتكلمي علي حد بالاسلوب ده
ليلي : وانتي عايزاني اعمل ايه بقولك ايه ياهبه انتي اللي عبيطه ومش فاهمه الدنيا صح بكره تقولي ليلي كان عندها حق
هبه : ياخبر الساعه بقت 11 انا لازم انزل لاحسن بابا قاللي 10 ونص اكون في البيت
ليلي : عشان خاطري باتي معايا انا زهقانه
هبه : ياستي مش هاينفع خلينا نسهر مع بعض علي النت
ليلي : طيب
نزلت هبه وهي مصدومه في صحبه عمرها اللي اتغيرت 180 درجه اللي مكنتش عارفه ايه سبب تغيرها ده
بعد مانزلت هبه من عند ليلي حمدت ربنا ان باباها كان نايم ومخدش باله من تاخير هبه
امينه : انتي جيتي ياهبه
هبه : اه ياامينه هو بابا نايم من بدري
امينه : اه نام بعد ماطلعتي انتي ليلي بربع ساعه وانا قولت اعد استناكي لحد ماتنزلي مالك ياهبه
هبه : لا افيش بس اصل ليلي زعلانه شويه وانا مدايقه عشانها
امينه : طيب ماشي ياحبيبتي مش عايزه اي حاجه اعملهالك
هبه : لا ياامينه ربنا يخليكي ادخلي انتي نامي وانا هاعد شويه قدام الكمبيوتر
امينه : ماشي ياحبيبتي تصبحي علي خير
هبه : وانتي بخير
...........................................................................
فتحت هبه النت لاقت كذا رساله من ضمنهم رساله محمد
اول رساله فكرت تفتحها هي كانت بتاعت محمد
محمد : اوك سلام هتفتحي تاني ولو هتفتحي هتفتحي الساعه كام
هبه : معلش يامحمد قفلت علي طول بس اختي وماما كانوا عايزني ولسه فاتحه حالا وعاتا انا اغلب وقتي بكون فاتحه النت زي دلوقتي من 11 كده
اعدت هبه زهقان ومش عارفه تعمل ايه دخلت علي صفحه محمد اللي كل شويه يكتب حاجه تشد هبه اوي
اعدت هبه تتفرج علي صفحته واعدت تقرا المعلومات بتاعت محمد
محمد يوسف عطيه
من القاهره / الجيزه / فيصل
الحاله الاجتماعيه مش مرتبط ومش عايز ارتبط
غير شويه معلومات تانيه فرعيه
وكاتب عنه " عاشق للبحر وبحب منير وبحب اكتب خواطر ونفسي اكون روائي مشهور ونفسي كمان اسافر امريكا "

دقايق سرحان من هبه وفجاءه لاقت رساله بتبص عليها بلهفه لاقيتها ليلي
ليلي : ايه يابت ياهبه انتي مش قولتي اول ماهتنزلي هاتكلميني مكلمتنيش ليه
هبه : معلش ياليلي نسيت وبعدين انا لسه فاتحه اهو
ليلي : ماشي يا ستي قوليلي بقي اعمل ايه مع الحيوان ده اللي اسمه كريم
هبه : ليلي كريم صدقيني غلبان وطيب وانتي عارفه كويس ان فريده مش هاتبص لكريم باي حال من الاحوال
ليلي : وهو انا قولت ان فريده اللي بتبصلوا ولا بقول ان كريم اللي بيبصلها
هبه : وكريم هايبص لفريده ليه اصلا وانتي عارفه انه بيحبك انتي
ليلي : ياهبه انتي مش فاهمه اي حاجه كريم مش بيحبني وانا متاكده من ده
هبه : وايه اللي اكدلك ده
ليلي : طريقته وتهربوا مني مبقاش بيتصل ولما بتصل بيه بيكنسل عليا كتير ولما بعد اذن كتير عليه في الاتصال ساعات يرد ولما اقولوا بتكنسل ليه يقولي مره كنت نايم ومره كنت اعد مع اصحابي انا مبقتش عارفه اعمل ايه ومش فاهمه ايه سر التغير ده كله ولما اطقست وراه عرفت من هاني صاحبه انه بيحب فريده وعايز يتجوزها ولما واجهته بالكلام ده قاللي مش صح
هبه : طيب خلاص طنشيه وكبري دماغك منه انتي مالك مهتمه بيه اوي كده ليه
ليلي : مينفعش ياهبه
هبه : يعني ايه مينفعش
ليلي: هو كده ياهبه انا عايزه حل يخلي كريم يرجعلي زي الاول
هبه : طيب اكلمهولك انا
ليلي : لا اوعي تكلميه واوعي تقوليلوا اني كلمتك في حاجه
هبه " مستغربه تغير ليلي المفاجئ من كل حاجه " : طيب طيب خلاص مش هاكلموا خالص بس انتي لازم تبعدي عنه شويه عشان تعرفيه انك مش مدلوقه عليه
ليلي : مش هاينفع انا بحبه ومقدرش ابعد عنه
هبه : انا مش فاهمه ياليلي حب ايه ده اللي يبهدل الواحد كده
..........................................................................
رساله من محمد
محمد : شكرا علي ردك لرسالتي ياهبه انتي منوره عندي
هبه :
محمد : هو الايموشن ده ورايا ورايا ولا ايه
هبه : اصلي مش فاهمه ايه منوره عندك دي
محمد : ايوه مش انتي عامله اون لاين واللمبه بتاعت الفيس مديه لون اخضر تبقي منوره ولا مش منوره
هبه : ههههههههههههههههههههه تتصدق اقنعتني
محمد : يابنتي انا خساره في البلد دي
هبه : هههههههههههههههه يلا بقي روح سافر امريكا
محمد : امريكا عرفتي منين اني عايز اسافر امريكا
هبه : منك
محمد باستغراب " مني مافتكرش اننا اتكلمنا انهارده في موضوع سفري لامريكا
هبه : لا اقصد من اللي انت كاتبه انك بتحب منير ونفسك تسافر امريكا
محمد : اه ياستي دي كلها طموحات واماني
هبه : ههههههههههههههههه
.......................................................................
ليلي : هبه انتي روحتي فين يابنتي ؟
هبه : معلش ياليلي بس اصلي مش عارفه ارد واقولك ايه انا محتاره اوي في الموضوع ده
ليلي : طيب فكري معايا اعمل ايه ؟
هبه : طيب مانا قولتلك الحل وانتي مش راضيه بيه
ليلي : ياهبه اللي بيني وبين كريم اكبر من الهبل ده
هبه : انا اللي اعرفوا انه لو بيحبك بجد مش هايبعد عنك وبعدين يا ليلي كلميه وواجهيه باللي جواكي ده كله
ليلي : طيب ! بقولك ايه انا هاقوم انام تصبحي علي خير بقي
هبه : ماشي وانتي من اهل الخير سلام
ليلي : سلام
...........................................................................
محمد : ياهبه انتي مشغوله ولا ايه ؟ شكلي كده معطلك
هبه : لالالا مش معطلني معلش بس اصل واحده صحبتي كانت بتكلمني في حاجه وقالتلي انها هتقفل فقولت اقفل معاها واكلمك براحتي
محمد : ماشي ياستي وقفلتي معاها
هبه : اه خلاص
10 دقايق صمت وسكوت
محمد : هبه ساكته ليه ؟
هبه : مانا مش عارفه اتكلم اقول ايه ؟ ماتتكلم انت ؟
محمد : اتكلم اقول ايه ؟
هبه كاتبه في الصفحه الشخصيه " ليه دايما لما بنحب حد بيطلع مبيحبناش وليه بيفرح بعذابنا وليه بيجرحنا ليه الحب ده بيكون اوحش حاجه في الدنيا مع انه المفروض يكون اجمل حاجه في الدنيا "
محمد عمل لايك وكتب كومنت " العيب مش في الحب ياهبه العيب في اختياراتنا في اختيارنا للناس اللي مبتقدرش الحب ولا بتقدر اللي بيحبوهم الحب ده اجمل حاجه في الدنيا "
محمد في الشات
......................
محمد : انتي ايه حكايتك يابنت انتي ؟ ايه اليأس ده اللي انتي فيه ده
هبه : لا مش يأس ولا حاجه عادي
محمد : شكلك كده بتحبي وواقعه علي الاخر في الحب وشكلك موجوعه منه
هبه : انا ... لا والله ابدا ولا بحب ولا عايزه احب كفايه عليا اللي بشوفوا من اللي حواليا
محمد : ياشيخه طيب عيني في عينك كده
هبه : هههههههههههههههه طيب ابص في عينك ازاي واحنا بنتكلم علي النت
محمد : ههههههههههههه لا ناصحه يابنت
هبه : طول عمري انا خساره في البلد دي
محمد : واضح واضح ههههههههه قوليلي بقي انتي بتحبي في قصه حب ؟! قولي ومتخبيش عليا ؟
هبه : لا والله مش بحب خالص بس اصل بشوف ناس اصحابي بيحبوا وبيتوجعوا اوي من الحب وبصراحه انا جاتلي عقده وبعدين انا مبفكرش في الحب اصلا
محمد : اصحابك جابولك عقده هي من اولها كده ههههههههه وبعدين ليه مبتفكريش في الحب
هبه : اصلي لسه ملقتش فارس الاحلام
محمد : ههههههههههههههه ايوه البدله البيضه والحصان الابيض ويجي يخطفك وكده ههههههههههههههههه
هبه : لا والله انا راضيه بحمار مش حصان ابيض ان شاءالله حتي عربيه كارو بس يكون انسان حلو
محمد : حلو ازاي يعني شكلا ولا موضوعا
هبه : هههههههههههه لا اقصد اخلاقه وشخصيته يكونوا حلوين وكويسين
محمد : اه قولتيلي
الفجر بيأذن
محمد : ياااااااااااااه الساعه بقت 4 ده الفجر بيادن
هبه : ياخبر يلا بقي انا هاقوم اصلي وانام تصبح علي خير سلام
محمد : ماشي وانتي من اهل الخير سلام
قامت هبه صلت الفجر ودخلت نامت ...........................