Hepatitis Markers .. HBV إز

إزاي نقرأ تحاليل
hepatitis markers
بتاعة HBV

علشان نقول أننا قرينا ورقة التحاليل لازم نجاوب منها على عدة أسئلة :
1- هل المريض فعلا عنده HBV ؟
2- طيب إيه نوع المريض ؟ يعني acute - chronic - carrier ؟
3- هل المريض ده محتاج علاج ولا المريض خف ومش محتاج علاج خالص ؟
…

أولا : هل الشخص ده عنده فيروس بي ولا لا ؟؟؟
لو لقيت HB s Ag positive
يبقى تقسم بالله ان المريض ده عنده الفيرس بصرف النظر
عن نوعه أيا كان

ال antigen ده بيظهر 
بعد العدوى ب 6 أسابيع
طيب هيختفي ولا لأ ؟
اصبر شوية
…
عرفنا إن الشخص ده عنده فيروس بي ؟؟
يا ترى هو acute ولا chronic ولا carrier ؟؟
هنطلب حاجتين وهما :
HB c IgM و HB c IgG
طيب دول هيفيدوني بايه ؟.
لو لقيت HBcIgM positive :
يبقى ده مريض acute hepatitis B
( ومتنساش ال IgM مع ال modern )

لو لقيت HBcIgG positive : يبقى ده chronic أو carrier
…

طيب ليييييييييييييييييييييييييييييييييييه ؟
بصوا يا دكاترة ....
HBcIgM : يظهر بسرعة ويختفي بسرعة ( يظهر بعد 8 أسابيع )
علشان كده مش هتلاقيه إيجابي
إلا في مريض acute
…

HB c IgG : بيظهر متأخر ولا يختفي أبدا
علشان كده مش هتلاقيه ايجابي ألا في
chronic - carrier وكمان حالة تالتة هنقولها بعدين ( اللي هي واحد كان عنده الفيروس وخف )

…

السؤال بقى
إزاي هنفرق بين chronic & carrier ?
هنطلب 4 حاجات
إيه هم ؟
ALT - AST - HB e Ag - PCR - polymerase enzyme
ايه الكلام المعقد ده ؟؟
هنفرق الأول بعدين نشرح ايه الحكاية
…
مريض ال chronic هنلاقي فيه الأتي :
ALT - AST : عااااااالي
HBeAg : ايجاااااابي
p. enzyme : ايجااااابي
PCR : بيزيد من تحليل لأخر
…

أما مريض ال carrier ::
عكسه تمااااااما

…..
فيه 3 احتمالات لحد دلوقتي
وهم :
acute hepatitis : ودي هنلاقي فيها :
HBsAg : ايجابي
HBcIgM : ايجابي
…

chronic hepatitis : ودي هنلاقي فيها :
HBsAg :ايجابي
HBcIgG : ايجابي
ALT -AST : عااااالي
HBeAg : ايجابي
polymerase enzyme : ايجابي
…
carrier patient :: عكس اللي قبله يعني هنلاقي فيه :
HBsAg : ايجابي
HBcIgG : ايجابي
HBeAg : سلبي
enzymes :طبيعية
polymeraze : سلبي

…
أكيد دلوقتي جه في ذهنكم سؤال وهو .....
طيب المريض اللي عنده acute hepatitis ده هنتابعه ازاي ؟
أو بمعنى تاني
هنعرف ال prognosis بتاعه ازاي ؟ يعني هل هيخف ولا هيقلب ل chronic or carrier ؟
المريض ده يا دكاترة احنا هنتابعه ب 3 حاجات وهم :
1- ALT –AST
2- HBeAg
3- HBsAg

نوضح شوية
يعني :
قلنا ان مريض الالتهاب الحاد عنده حاجتين وهما :
HBsAg : ايجابي
HBcIgM : ايجابي

خلي بالكوا بقى :
لو كان HBeAg ايجاااااااااااااااااااااابي : ده معناه ان الفيرس بيتكااااااثر بشده
يعني البروجنوسيس وحش جدا
وتقول ربنا يستر ع العيان وممكن يقلب الى fulminant hepatitis ودي حالة قااااااااااااااااااااتلة

ولو ALT –AST بيعلوا : يبقى الحالة مش بتتحسن
ولو HBsAg استمر أكتر من 6 شهور يبقى المريض كده قلب لحاجة من اتنين chronic or carrier
وعرفنا طبعا هنفرق ازاااااااااااااااااااااااااااااااااااااااي

…

لكن لو المريض بتاعك عنده :
HBeAg : سلبي ........يبقى الحمد لله غالبا هيخف
Enzymes : بتقل ........يبقى الحمد لله العيان بيخف
HBsAg : بقى سالب قبل 6 شهور ...
الحمد لله العيان خف
بس هنتأكد بحاجات تانية ( بعدين )
…

طيب بعد كل ده عايز أقلكم على ملحوظة بسيطة أوي : وهي 3 معلومات عن HBeAg وهم :
1- بيظهر بعد 8 أسابيع من العدوى
2- لو كان موجود مع عيان acute : نقول ربنا يستر ... وساعتها هيكون معاه HBcIgM
3- بيقولي أن المريض ده chronic مش carrier : وساعتها هيكون معاه HBcIgG

….

ازاي نقول أن المريض خلاص خف خالص ؟ 3
حاجاااااااااااات وهم :
1- HBsAb : ايجاااااااااااااااااااااابي ( أخيرا ظهر ال antibody )
2- HBsAg : لااااااااازم يكون سلبي ( اخيرا بقى سلبي ال antigen )
3- HBcIgG : ايجااااااااااابي ( فاكرين امته بيكون ايجابي )

ملحوظة :
بمجرد ظهور HBsAb
لازم يكون HBsAg قد اختفى
ولازم يكون معاهم HBcIgG

يعني لو لقيت HBsAg مع HBsAb في ورقة تحليل واحدة
يبقى التحليل غللللللللط
….
هفكركم بقى بمعلومة : امته ألاقي HBcIgG ايجاااابي ؟
3 حالات وهم :
1- chronic : ومعاه HBsAg + HBeAg + الانزيمات عالية
Carrier 2- : ومعاه HBsAg ايجابي + HBeAg سلبي + الانزيمات طبيعية
3- المريض خف خلاص : ومعاه HBsAb ايجابي + HBsAg سلبي

يبقى من الأخر
هطلب ايه في ورقة التحليل لمريض فيرس بي ؟
HBsAg - HBeAg
HBcIgM -HBcIg
ALT - AST
PCR - polymerase

...
جزئية بسيطة أخيرة
فيه حاجة اسمها ال Window gap

ايه هو التفسير بتاعها ؟؟؟
بصوا يا جماعة

خلينا نتخيل مريض عنده acute hepatitis B
وبعد كده هيخف خالص .

قلنا في الأول هيكون عنده حاجتين وهم :
HBsAg positive
HBcIgM positive

وبعد كده لما بيخف بلاقي عنده 3 حاجات وهم :
HBsAg negative
HBsAb positive
HBcIgG positive

...

طيب خلي بالك بقى من الكلام ده :

HBsAg : بيبتدي يظهر بعد 6 أسابيع من العدوى
وبعدين يفضل يزيد ويزيد لحد ما يوصل لأعلى حاجة
وبعدين يبتدي يقل ويقل ويقل لحد ما يختفي بعد 3 شهور
في الفترة الاخيرة قبل اختفاءه بيتكون كميته قليلة جدا لدرجة أن
المعمل ما بيقدرشي يقراها ولا بيشوفها
خليك معايا

HBsAb : بيبتدي يظهر من وقت ما بيكون الانتيجن أقل حاجة في الدم
وبعدين يفضل يزيد ويزيد ويزيد لحد ما بيوصل لمستوى يفضل
ثاااااااابت طول العمر

في الفترة اللي بيبتدي يظهر فيها بتكون كميته قليلة جدا
لدرجة أن المعمل ما بيقدرشي يقراها ولا بيشوفها
وهي نفس الفترة اللي بيكون فيها الانتيجن قليل جدا
والمعمل مش بيشوفه

...

يبقى دلوقتي فيه فترة وهي عند نهاية ال 3 شهور الاولى
لو بعت المريض يعمل HBsAg & HBsAb
هتلاااااااااقي النتايج سااااااااااااااالبة .
واللي مش فاهم هيقول للمريض أن تحاليلك كويسة
وانت ما عندكشي أي حاجة خالص

طب الفترة دي اسمها ايييييييييييييه ؟

WINDOW GAP

طيب في الفترة دي ايه اللي بيكون موجود علشان أثبت وجود الفيرس ؟

HBcIgM : هو اللي بيكون موجود والمعمل بيقدر يقراه
طب ليه ؟
بيبتدي يظهر بعد شهرين
وعلى بال ما يوصل لنهاية ال 3 شهور الاولى ( Window gap )
بتكون كميته كبيرة المعمل يقدر يشوفها

يبقى لما نقول ايه هي قيمة HBcIgM ؟
نقول حاجتين اتنين وهما :

1- يقولي أن المريض بتاعي ده عنده acute hepatitis B
مش chronic or carrier

2- هو اللي يقدر يثبت وجود الفيرس لو بعت المريض في window gap 
ولقيت أن
HBsAg - HBsAb ساااالبة

منقول من تفريغ المواد الطبية