ازاي تشخص مريض السكر و تتابعه و تكتب علاجه و فحوصاته .. DAIBETES MILLITUS في العيادة من الالف للياء
DAIBETES MILLITUS في العيادة من الالف للياء
ازاي تشخص مريض السكر و تتابعه و تكتب علاجه و فحوصاته و سلطاته و بابا غنوجه
............................................................................................
هانمشيه واحدة واحدة و أسال الله ان يكون هذا العمل خالصا لوجهه
....................................................................................................
عاوز بس اوضح نقطة انا هنا مش هاشرح مرض السكر دا شئ موجود في كل الكتب و حضراتكم تقدروا تقراوه في أي مصدر هايكون افضل لكن قضيتي في المحاضرة دي ببساطة تتصرف ازاي مع مريض السكر
تعالوا قبل كل شئ نقول هانشخص السكر ازاي???......
.....
في الاول المريض بيشك في نفسه انه بيروح التواليت كتير
بياكل كتير
وبيعطش كتير
والاكل مش بيريحه
و بيجيله التهابات جلد كتير
وأول حاجه بيلاحظها انه سنانه بتعوم
ويقولك سناني عايمة يا دكتور
ولو سيدة تلاحظ تكرار اصابتها ب
genital tract infection
المهم
حضرتك اطلب ال ٣ تحاليل دول
FBS
2HOURS POST PRANDIAL
HbA1c
وتحكم كالاتي
يا اما صايم معدي ١٢٦ مرتين
او بعد ساعتين معدي ال ٢٠٠ مرتين
او صايم معدي ١٢٦ ومعاه بعد ساعتين معدي ال٢٠٠
او التراكمي اكتر 6.5
و علشان الامريكان و الاوربيين مختلفيين فيها هانمشيها 7 بحيث تمشي مع المريض العربي او المصري
.........................
قبل ما ندخل في المعمعة
عاوز اقول كلمتين لحضرتك و لزملاءنا في المعامل انت واخد بالك انك هاتاخد قرار هيشقلب حياة المريض راسا علي عقب بمعني انك مجرد ما تقول له مبروك جالك سكر انت حكمت عليه بعلاج و ريجيم و طبيعة اكل و هاتغير حياته كلها علشان كدا لازم تكون دقيق قبل ما تطلق حكمك النهايْي وهنقول كام نقطه مهمة وانت بتجهزه للتحاليل اللي هاتغير مجري حياته
.........
اولا// تحليل السكر الصايم يكون صايم 8 ساعات عن الاكل ةالشرب يعني معلش يا زميلي في المعمل تاكد من دي و اساله سؤال حر مباشر صريح (انت صايم صيام رمضان؟؟) لانه للاسف اخواتنا المرضي بيروح صايم و الله ماشربش غير كوباية شاي يشق ريقه
...................
ثانيا// اوعي تقول له روح افطر و تعالي بعد ساعتين و تعالي نقيس السكر
2 HOURS POST PRANDIAL
لان دي جريمة في القانون الدولي و حرام عليك و بالعقل كدا هل يستوي ما يفطر بطبق فول و 3 ارغفة و قرن شطة حامي و طبق سلطة و بصلتين مع طعميتين سخنين و بطاطس محمرة و بتنجان مقلي مع واحد هايفطر ربع فرخة من غير سكر اساسا
التحليل ليه اصول يا رجالة
المريض بياخد 75 جم سكر يدوبهم في كوباية مية كبيرة و يشربها قدامك و تتاكد ان مافيش سكر باقي في الكوباية و مش يمزمزهه في ساعة لازم يشرب في وقت اقصاه 5 دقايق
نقطة بس و لو اني مابحبش افتي في غير الباطنة العامة لكن مهم اقول لو المريض طفل ما تديلهوش ال 75 جم سكر
لكن اوزنه من فضلك واضرب وزنه في 1.75
WEIGHT*1.75=AMOUNT OF SUGAR
و طبعا الحد الاقصي 75 جم سكر
.............................................................................
خلاص حضرتك شخصت انه مريض سكر هاتبدأ معاه بإيه وكام دوا وانسولين ولا اقراص ولا ايه بالظبط
بص بقي يا مولانا
ابوس دماغك الاسطورة اليونانية القديمة بتاعة كل طفل نشخصه مريض بالسكر يبقي
TYPE 1
وكل بالغ نشخصه مريض بالسكر يبقي
TYPE 2
هذا هراء!!!
لان دا ممكن يبقي كدا و دا ممكن يبقي كدا
اعرفها ازاي؟؟؟
شوفي يا سيدي
احنا عاوزين نعرف المريض بيطلع انسولين ولا لأ
يبقي حضرتك تطلب له
INSULIN LEVEL
و ساعتها اما يطلع قليل فيبقي دا النوع الاول
DIABETES MELLITUS TYPE 1
او يطلع طبيعي او عالي و يبقي دا النوع التاني
DIABETES MELLITEUS TYPE 2
>>>>>>>>>>>>>>>>>>>>>>>>>>>>
سامع واحد مشاغب بيقول
طيب لو هو جاي اساسا الدكتور اللي قبلي معملش القصة بتاعتك دي و اعطاه انسولين اعمل انا ايه؟؟
احب اقول له انا سعيد انك سااااالت السؤال ده بس ليها حل
من رحمة ربنا ان في هرمون بيطلع في الجسم مع
ENDOGENOUS INSULIN
الهرمون دا اسمه C-PEPTIDE
ومعدل افرازه هو نفس معدل الانسولين و بالتالي لما نقيسه يبقي بنقيس الانسولين
.........................................................
معلش حتة كمان استحملوني فيها
لو انت عاوز تبقي متكيف قوي وانت بتشخص المريض بتاعك و تجيب قراره
انت لقيته خلاص من النوع الاول
اسال نفسك سؤال الراجل ده ما بيفرزش انسولين ؟؟؟ ولا بيفرز انسولين بس ما بيشتغلش او بيتكسر ؟؟؟؟
اقولك يا سيدي
يا اما انت عندك الخلايا اللي بتفرز انسولين ادمرت و بالتالي الراجل ده هاياخد انسولين علي طول يا اما الانسولين بيتكسر لانه في اجسام مناعيه بتكسره
وده حالة غريبة لانه بعد مرور فترة من علاجه بالانسولين الخارجي بيبدأ سكره يقل يقل يقل يقل يقل؟؟
عارف ليه؟؟
لان الاجسام المناعية اللي انت مكسرة الانسولين الداخلي بدأت هي نفسها اتكسرت و بدأ الانسولين الداخلي يشتغل تاني
يعني لما يقابلك المريض ده ما تتخضش
في الحقيقة انت بتديله انسولين و هو عنده جوه!!!!
تعرف القصة دي ازاي ؟؟
تعمل له
ANTI ISLETS CELLS ANTIBODYS
لو موجود و هاتلاقيه موجود في 80% من الحالات يبقي الراجل دا هايحتاج انسولين علي طول لان المصنع بايظ
لو سلبي يبقي ده اللي بيتكسر عنده الانسولين و الامور هاتبقي احسن
.........................................................
تعالي بقي ناخد قرار هانعالج ازاي؟؟
انسي كل حاجة وانت بتاخد القرار ده وافتكر بس ال
HbA1c
هو اللي هايحدد لك هاتبدا ازاي بص معايا كدا علي اللي جاي مافيش طبيب معالج للسكر الا مصوره في دماغه وانت مبدئيا صوره علي موبايلك او مكتبك او اي حاجه شوف كدا وتعالي نفسره واحده واحده
انت عملت تحاليك طلع التراكمي بتاعك من
6.5-7.5
يبقي دوا واحد كفايه جدا زي
الميفورمين او ال
DDP4
يعني اللي هم الجلوكوفاج و الجانوفيا وخليه يمشي شهرين تلاته وبعدين قيس اتظبط يبقي تمام لسه يبقي تخليهم دوايين وتمشيه شهرين تلاته اتظبط يبقي تمام ولو لسه يبقي تلاته زي الجدول اللي عمرك ما ترفع عينك عنه
طيب عملت التراكمي وطلع من
7.5- 9
يبقي تدخل علي طول بدوايين مباشره وتقيس بعد شهرين تلاته بقي تمام ماشي لو لسه يبقي ٣ادويه و مشيه شهرين تلاته وقيس لو اتظبط خير ما تظبطش يبقي ٣ ادويه لمده شهرين تلاته وقيس
لو ما تحسنش يبقي انسولين
طيب اعلي من ٩ يبقي علي طول انسولين
ببساطة شديده الاقلام دي نوعين
النوع الاول بيحتوي انسولين اسمه
glargine insulin
ودا بيتاخد مره واحده و بيشتغل اربعه وعشرين ساعه و هاشرحه بالتفاصيل في اخرالبوست دا
اما نوع الاقلام التاني
النوع التاني فيه من جوه
rapid acting insulin.
وده بيتاخد مع النوع الاول بس بيتاخد من مره واحده مه الوجبه الاساسيه الي ٣مرات قبل كل وجبه علشان نضبط
بيه ال 2
HPP
بالنسبه كام وحده ومحتاج كام كل اقول لحضرتك
...............
تاني حاجه ودي اللي هابدا فيها في الحقيقه
اللي هي ازاي تتابع مريض سكر انت الدكتور المعالج ليه
لانه بصراحه كتير من الزملا وانا كنت واحد منهم كان بيجي العيان العياده نقوم ماسكين صباعه وقيس السكر وبالسلامه
يا جماعه القصه غير كدا
مافيش اسها من انك تظبط الارقام لكن هو جاي علشان تخلي بالك من عينه وكليته و اوعيته الدمويه و علاقاته الحميميه و صحته العامه لذلك هاتقول النقط دي وتوقيت مراجعتك ليها
يلا بينا
كل زياره العيان يجيلك فيها لازم لازم لازم تشيك علي الاتي
١.... السجاير واوعي العيان يضحك عليك ان شالله تشم بقه و فهمه ببساطه كدا ياعم الحاج انت مش ناقص قطعة نفس بطل التدخين الله يكرمك
٢....ضغطه لازم ضغطه يبقي متظبط علشان مايجتمعش عليه السكر والضغط يقضوا عليه وهانقول بعدين ال target بتاع الضغط مع مريض السكر
٣....وزنه والسمنه علشان مشاكل السمنه وكمان علشان الادويه زي ما هانشرح دلوقتي في ادويه السكر حاجات بتمشي مع الرفيعين وحاجات مع التخان
٤.... كلمه في اللي يفيده يعني الرياضه والحركه وبلاش استفزاز والنبي وتقول للمريض روح النادي او الجيم لكن ببساطه قول له روح صلي العشا في مسجد بعيد شويه او خد المام انكشجيه واتمشوا في الفيلل او المنشيه
٥.... الاكل و نوعيته والمفيد والضار
دا في كل زياره
اه ماتنساش الشكه المعتاده بتاعه السكر العشوائي
• كل ٣ شهور
اعمل له
HbA1c
. وخليك فاكر لازم مهما كانت خطه علاجك انه يكون اقل من ٧
ولكن في مصر التحليل غالي بحوالي ٥٠جنيه خليك ٣مرات في السنه وممكن مرتين لو العيان منظبط ومحافظ
تعمل له كل ٦ شهور
تحليل
albumin in urine
و تتاكد انه اقل من 30
mcq
وكمان تعمل
serum creatinie
علشان تطمن علي
kidney function
و طبعا لو في حاجه عالجها
كل ٦شهور برضوا
تعمل له فحص قاع عين عند دكتور رمد كويس بتبعت له حالات
كل ٦شهور
تقيس له ال.
Lipid profile
واكلمكم بصراحه دا الصح لكن في الاقاليم بلاش لانه مش هايقدر يشتري العلاج لانه يببقي غالي
كل مره يجيلك توطي علي رجله
مش تبوسها!!!!
لكن افحصها بعينك وايدك كوبس جدا جدا
في جرح
في خربوش
واستخدم
pinprick
وفهمه العنايه بالقدمين
ده اللي هايتعمل في كل زياره
بس حضرتك مش ملاحظ اننا ظبطنا السكر صايم والعشوائي و بعد ساعتين مالناش دعوه بيه,,,!!!!!!
تعالي نكمل
لو المريض بتاعك بعد ال ١٠ ايام لقيت سكره الصايم بعد اسبوع اكتر من ١٨٠ والسكر مسافر تقدر في الحاله دي والحاله دي بس تزوده ٣او حتي ٤ كل. ٣ ايام لكن بحب الهدوء يعني براحتنا شويه في العلاج
طيب الحد الاقصي كام في اليوم
انا هاقولك الدنيا بتقول ايه بالتفصيل لكن خايف انك تنسي يبقي نرجع لارقامنا لو اقل من 100 كيلو يبقي اقصاك 40 وحده و لو اكتر من 100 كيلو يبقي معاك لغايه اكتر من 50 وحده
شوف الجدول دا كدا
اقل من 90 كيلو0.3 وحده لكل كيلو. هايبقي من21-27 . وحده
من 90 الي 100 كجم يبقي هاياخد ....0.4 وحده لكل كيلو. هايبقي 36 الي40 وحده
اكتر من 100٠ يبقي هاياخد.0.5 وحده لكل كيلو هايبقي معاك لحد اكتر من 50 وحده
y
الصور دي ممكن تفكرك بالحد الاقصي
خلصنا احنا دلوقتي حكايه الاقلام وجرعتها واعلاناتها وقصتها
تعالي بقي نرجع للغلابه وعلاجهم
لكن عاوز اقول انه حضرتك ممكن تدي ال.
Oralantidiabetics.
مع الانسولين ده او تدي اقلام الانسولين السريع مع ال ٣ وجبات اللي عاوزني اقولهم اقولهم بس علشان الناس ما تتوهش مني
تعالوا بقي نتكلم عن علاج الغلابه
انت بتحدد خطه علاجك مع مريض السكر اساسا علي علي HA1c. والتارجت بتاعك فيه و ادواتك في كدا هي السكر الصايم و ال 2HPP وتعالوا نمشي واحده واحده
تعالوا قبل كل شئ نقول هانشخص السكر ازاي
في الاول المريض بيشك في نفسه انه بيروح التواليت كتير بياكل كتير وبيعطش كتير والاكل مش بيريحه و بيجيله التهابات جلد كتير وأول حاجه بيلاحظها انه سنانه بتعوم ويقولكرسناني عايمة يا دكتور ولو سيدة تلاحظ تكرار اصابتها ب genital tract infection
المهم
حضرتك اطلب ال ٣ تحاليل دول
FBS
2HOURS POST PRANDIAL
HbA1c
وتحكم كالاتي
يا اما صايم معدي ١٢٦ مرتين
او بعد ساعتين معدي ال ٢٠٠ مرتين
او صايم معدي ١٢٦ ومعاه بعد ساعتين معدي ال٢٠٠
او التراكمي اكتر من ٦.٥
و ادي الجدول تاني اهه
يلا بقي ندخل في المعمعة
خلاص حضرتك شخصت انه مريض سكر هاتبدأ معاه بإيه وكام دوا وانسولين ولا اقراص ولا ايه بالظبط
بص بقي يا مولانا
انسي كل حاجة وانت بتاخد القرار ده وافتكر بس ال HbA1c
هو اللي هايحدد لك هاتبدا ازاي بص معايا كدا علي الجدول ده اللي مافيش طبيب معالج للسكر الا مصوره في دماغه وانت مبدئيا صوره علي موبايلك او مكتبك او اي حاجه شوف كدا وتعالي نفسره واحده واحده
انت عملت تحاليك طلع التراكمي بتاعك من ٦.٥ ال ٧.٥ يبقي دوا واحد كفايه جدا زي الميفورمين او ال
DDP4
يعني اللي هم الجلوكوفاج و الجانوفيا وخليه يمشي شهرين تلاته وبعدين قيس اتظبط يبقي تمام لسه يبقي تخليهم دوايين وتمشيه شهرين تلاته اتظبط يبقي تمام ولو لسه يبقي تلاته زي الجدول اللي عمرك ما ترفع عينك عنه
طيب عملت التراكمي وطلع من ٧.٥ الي ٩ يبقي تدخل علي طول بدوايين مباشره وتقيس بعد شهرين تلاته بقي تمام ماشي لو لسه يبقي ٣ادويه و مشيه شهرين تلاته وقيس لو اتظبط خير ما تظبطش يبقي ٣ ادويه لمده شهرين تلاته وقيس
لو ما تحسنش يبقي انسولين
طيب اعلي من ٩ يبقي علي طول انسولين
معانا يا جماعه
ببساطة شديده الاقلام دي نوعين
النوع الاول بيحتوي انسولين اسمه
glargine insulin
ودا بيتاخد مره واحده و بيشتغل اربعه وعشرين ساعه و مشروح بالتفاصيل في اول البوست دا
اما نوع الاقلام التاني
النوع التاني فيه من جوه
rapid acting insulin
. وده بيتاخد مع النوع الاول بس بيتاخد من مره واحده مه الوجبه الاساسيه الي ٣مرات قبل كل وجبه علشان نضبط بيه ال 2
HPP
بالنسبه كام وحده ومحتاج كام كل اقول لحضرتك
ارجعي بس بالبوست هاتلاقي كيفيه حساب جرعه كل مريض
مثلا طلع مريض محتاج ٢٦وحده في اليوم اضربي الرقم دا في ٣٠ يطلع استخدامه في الشهر لانه بيستخدمه مره واحده في اليوم.
اقسمي الرقم بقي علي الكميه اللي في القلم يطلع عدد الاقلام في الشهر
وصلت؟؟؟؟
بصراحه انا مش فاهم ايه الخرطوشه دي اصلا لأن الاقلام. Prefilled. اللي بيتغير بس هو السن او الneedle يعني
لكن القلم فيه ٣٠٠ وحده
انت قلت مريضك محتاج ٤٠ وحده في اليوم يبقي الشهر عاوز ٤٠*٣٠=١٢٠٠
تقسمهم علي اللي في القلم اللي هو ٣٠٠ يبقي انت عاوز ٤ اقلام
طيب نكمل
عاوز بس اتناقش في حاجتين مهمين الاولي هي ايه الفرق والاستخدامات بتاعه ادويه السكر بالفم
تاني حاجه ودي اللي هابدا فيها في الحقيقه
اللي هي ازاي تتابع مريض سكر انت الدكتور المعالج ليه
لانه بصراحه كتير من الزملا وانا كنت واحد منهم كان بيجي العيان العياده نقوم ماسكين صباعه وقيس السكر وبالسلامه
يا جماعه القصه غير كدا
مافيش اسها من انك تظبط الارقام لكن هو جاي علشان تخلي بالك من عينه وكليته و اوعيته الدمويه و علاقاته الحميميه و صحته العامه لذلك هاتقول النقط دي وتوقيت مراجعتك ليها
يلا بينا
كل زياره العيان يجيلك فيها لازم لازم لازم تشيك علي الاتي
١.... السجاير واوعي العيان يضحك عليك ان شالله تشم بقه و فهمه ببساطه كدا ياعم الحاج انت مش ناقص قطعة نفس بطل التدخين الله يكرمك
٢....ضغطه لازم ضغطه يبقي متظبط علشان مايجتمعش عليه السكر والضغط يقضوا عليه وهانقول بعدين ال target بتاع الضغط مع مريض السكر
٣....وزنه والسمنه علشان مشاكل السمنه وكمان علشان الادويه زي ما هانشرح دلوقتي في ادويه السكر حاجات بتمشي مع الرفيعين وحاجات مع التخان
٤.... كلمه في اللي يفيده يعني الرياضه والحركه وبلاش استفزاز والنبي وتقول للمريض روح النادي او الجيم لكن ببساطه قول له روح صلي العشا في مسجد بعيد شويه او خد المام انكشجيه واتمشوا في الفيلل او المنشيه
٥.... الاكل و نوعيته والمفيد والضار
دا في كل زياره
اه ماتنساش الشكه المعتاده بتاعه السكر العشوائي
كل ٣ شهور
اعمل له
HbA1c
. وخليك فاكر لازم مهما كانت خطه علاجك انه يكون اقل من ٧
ولكن في مصر التحليل غالي بحوالي ٥٠جنيه خليك ٣مرات في السنه وممكن مرتين لو العيان منظبط ومحافظ
تعمل له كل ٦ شهور
تحليل
albumin in urine
و تتاكد انه اقل من 30mcq
وكمان تعمل
serum creatinie
علشان تطمن علي
kidney function
و طبعا لو في حاجه عالجها
كل ٦شهور برضوا
تعمل له فحص قاع عين عند دكتور رمد كويس بتبعت له حالات
كل ٦شهور
تقيس له ال
. Lipid profile
واكلمكم بصراحه دا الصح لكن في الاقاليم بلاش لانه مش هايقدر يشتري العلاج لانه يببقي غالي
كل مره يجيلك توطي علي رجله
مش تبوسها!!!!
لكن افحصها بعينك وايدك كوبس جدا جدا
في جرح
في خربوش
واستخدم pinprick وفهمه العنايه بالقدمين •
ده اللي هايتعمل في كل زياره
طيب نقطه مهمه اللي بياخد
mixtard
مفروض الكتاب بيقول تحسب الجرعة عن طريق تنيمه في مستشفي وتديله
act rapid
وبعدين تجمع الجرعة اليومية وتقسم تلتين و تلت وناس تقولك كام مللي جرام لمل كيلو
بصراحة كلام محترم بس لا ينفذ في الواقع المصري
حضرتك أقسم سكره الصايم علي 5 اللي يطلع تلتين و تلت
طيب سريعاً كدا هاقولك الأسماء اللي في السوق في مصر لأني بقالي فترة بره البلد
لكن اهمهم هو
Mixtard 100 iu 70/30
Humalog
ودا اللي انت هاتحسب جرعتك زي ما اتفقنا و العيان هايمشي عليه
ما تنساش فيتامين ب
ولو عندها
prepheral neuropathy
عالجه زي ما قلنا ب التجريتول وال
pregabilin
عاوز انتقل لنقطة مهمة جداً
امتي اكتب سيدوفاج وامتي دياميكرون وامتي اماريل وامتي اكتوس و امتي وامتي وامتي وامتي وامتي
وجرعاتهم علشان كده استحملوني بقي شوية في اللي جاي
in hepatic patient
heart failure
طيب قصة ال
oral
دي هنمشيها خطوة خطوة
عتبة عتبة
نقف قدام السؤال ونجاوبه واحدة واحدة والدواء اللي هايجي معانا واحدة
يلا بينا بس طولوا بالكم شوية
وهانفترض اسم مريض خليل علشان نعرف نتكلم عنه
وخلي بالك السكر دا أرقام
يلا بينا
أولاً
خليل عنده سكر ولا لأ؟ ؟؟
نرجع لجدول التشخيص كدا ونشوف
خليل طلع الصايم بتاعه اقل من 100 او 99 علشان محدش يزعل
او 2HPP اقل من 140
او HbA1c اقل من 5.7
يبقي خليل سليم بوسه من هنا ومن هنا والحمد لله سليم معندوش سكر
طيب خليل طلع عنده
FBS 100-125
And
2HPP 140-199
and
HbA1c 5.7-6.4
يبقي خليل بيشاور عقله وعاوز يلقي مريض سكر
خليه يلعب رياضة بس مش تقول له روح النادي او الجيم لأنه هايقتلك و ينتحر
قول له روح صلي العشا في مسجد بعيد شوية او انزل اتمشي بالمدام علي الكورنيش شوية
وخليه يقلل وزنه وقيس محيط بطنه ( (كرشه يعني) وخلي بالك من الmetabilic syndrome
و ما ياخدش علاج خالص
الا اذا
حبيت تخسسه اديله جلوكوفاج علشان يقلل وزنه مش علشان علاج سكر
ولو خليل من اهلنا الطيبين خسسه بأي حاجة تانية لأنه لو حلفت له باغلظ الإيمان مش ها يصدقك انه مش بياخد علاج سكر
طيب خليل طلع
FBS > 126
2HPP> 200
HbA1c> 6.4
صايم مرتين او بعد ساعتين مرتين
او واحد من ده و واحد من ده
يبقي مريض سكر و ياخد علاج
طيب اديله ايه؟ ؟؟
نعيد ونزيد تاني
اوعي تحدد خطة علاجك إلا علي HbA1c
واوعي تقول أقراص ولا انسولين الا بناء علي HbA1c
واوعي تقول دوا ولا اتنين ولا تلاته الا بناء علي HbA1c
طيب ازاي؟ ؟؟؟
لا يا حلو ارجع للجدول الي حطناه في البوست دا واللي قلناه بالتفصيل وبيشرح لو HbA1c كذا يبقي اديله كذا
طيب نكمل
حضرتك خلاص بصيت لقيت خليل مريض سكر
وحسب الجدول مش من دماغك لقيت هاتكتب برشام او أقراص أسأل نفسك سؤال !!
هو خليل تخين ولا رفيع
ودي هاتعرفها انك هاتوزنه سيادتك! !!
وبعد ماتوزنه تجيب ال BMIبتاعه (لو عاوز تقسيمة الBMI نقوله)
عرفت وزن خليل؟ ؟
تمام
احفظ دي بقي
لو رفيع يبقي SULFONYLUREA ودي مجموعة زي الداونيل و ال دياميكرون وهانقولهم بالتفصيل
طلع تخين يبقي METFORMIN زي ال جلوكوفاج وال سيدوفاج وغيره وهانشرح بالتفصيل
طيب
دوا ولا اتنين؟ ؟؟
الإجابة. .في الجدول!!!!
اتابع ازاي؟
الإجابة. ..في الجدول
امتي ادي انسولين
الإجابة. ..في الجدول
يبقي يلا بينا ندخل علي كل دوا مميزاته و وقته و جرعته وعيوبه
مبدئيا دا جدول تجميعة للي غاوي جداول
دي ملخص ازاي تشخص
لو لقيت قراءة منهم بتقولك خليل مريض سكر والتانية بتقول لا مش مريض سكر تعمل ايه ؟؟؟
ببساطة شوف مين فيهم بيقول انه مريض سكر وعيده لو طلع ايجابي يبقي مريض سكر
the other hand, if a patient has discordant results on two different tests, then the test result that is above the diagnostic cut point should be repeated. The diagnosis is made on the basis of the confirmed test. For example, if a patient meets the diabetes criterion of the A1C (two results ≥6.5%) but not the FPG (<126 mg/dL or 7.0 mmol/L), or vice versa, that person should be considered to have diabetes.
بالمناسبه صحيح مين اللي مفروض نشيك عليه كل فترة لانه احتما يبقي مريض سكر؟؟؟
يا ريت اسمع اقتراحاتكم
تفتكروا مين ؟؟؟
اللي كل فترة اعمل شيك اب عليه لانه ممكن يقلب مريض سكر؟؟
والله لو الواحد كل مكان يشتغل فيه يكون فيه ناس زيكم صدقوني كان الطب في مصر بقي شكله احسن كتير
بالمناسبة صحيح حد يعرف مريض سكر خف؟؟
بالمناسبة دا شخصية مصرية عظيمة!!
مين هو ؟؟؟؟
Metformin
Metformin
Metformin
Metformin
شوفوا انا كررتها ازاي لانه اول حاجة ممكن تكتبها مع كل الحالات واول اختيار نمشي فيه مع كل الحالات سواء معاك دوا تاني او مافيش وبيتكتب مع كل الحالات. زي ما فكرني وصحح لي زميلي دكتور. . فتعالوا نعرف استخدامه و جرعته
شوف يا سيدي
المتفورمين دا اللي هو الجلوكوفاج بيتم تصنيعه بطريقتين
Immediate release. 500-850-1000
Extended release. 500-750-1000
او معاه دوا تاني محطوط عليه في نفس القرص زي ال. Janumet 1000/50. DDP inhibitor
،،،،،،،،،،،،،،،،،،،،،،،،،،،،،،،،،،،،،،،،،،،،
طيب جرعته ازاي
ال 500 مرتين يوميا مع الاكل
ال 850 مرة واحدة في اليوم
وحضرتك دي اسمها الجرعة الابتدائية اللي هاتديها و بعدين تبدأ تزود
طيب ازود امتي؟؟
بعد اسبوع اسبوعين المهم جرعتك القصوي هاتبقي من 1500-2550
،،،،،،،،،،،،،،،،،،،،،،،،،
نفس الحكاية من الextended release
ابدأ جرعتك مع العشا مرة واحدة في اليوم وظبط بعد اسبوع بزيادة 500mg اهم حاجة جرعتك ما تزيدش عن 2000
،،،،،،،،،،،،،،،،،،،،،،،ً،،،،،،،ً،،،،،،،،
السؤال بقي مين ما ياخدش ميفورمين؟؟؟؟
الاجابة كله بياخده
لكن خلي بالك من مريض الكبد و يعطي بحذر
لكن الاهم لو عندك مشكلة في الكلي قيس الكرياتينين لو راجل اعلي من ١.٥ يبقي لأ ولو ست اعلي من ١.٤ يبقي لأ
و لو المريض بتاعك اكبر من ٨٠ سنه اعمل له تحاليل وظائف كلي قبل ما تديه وبس علي الكرياتينين
،،،،،،،،،،،،،،،،،،،،،،،،،،،،،،،،،،،،،،،،،،،،
امتي اوقفه ؟؟
الاجابة
لو المريض هايعمل اشعة بالصبغة مؤقتا وبعدين ترجعه
لو المريض داخل يعمل عملية جراحية علشان ال hypoxia بتزود ال lactic acidosis
وبالنسبة لشغلنا في الحميات برضوا وقفه مؤقتا لغاية ما يخف
،،،،،،،،،،،،،،،،،،،،،،،،،،،،،،،،،،،،،،،،،،،،،
الست الحامل اكتبه بس بحذر. With Caution
لانه category C،،،
،،،،،،،،،،،،،،،،،،،،،،،،،،،،،،،،،،،،،،،
مشاكله
هي مشكلة اساسية Lactic ketoacidisis
علي فكرة دي المشكلة المنسية في مريض السكر لانه المريض بيدخل الطواري بنلزقله يا سكر عالي يا منخفض يا كيتون وبننسي القصة دي واللي عاوز نقولها يقول
المهم لو تركيز اللاكتيك زاد عن 5 وقف الميتفورمين
حاجة تانية انه بيؤثر علي امتصاص B12 لذلك بنتكتبه معاه
،،،،،،،،،،،،،،،،،،،،،،،،
ماشي يا حبايبنا
قبل ما انقل علي دوا تاني الخص اهم كلمتين
دا الدوا الجوكر
ما بيعملش هبوط في السكر
اعراضه الجانبية تقريبا مافيش
بيستخدم في التخسيس للناس اللي بتحب الاكل زيي كدا
الحايدلاينز بيقول نمشي المريض علي خطة العلاج فترة من شهرين الي ثلاثة شهور قبل ما ننقل علي العلاج الثنائي او بعد ذلك الثلاثي
لكن خطة اعطاء الدوا نفسه خلال الشهرين دول انك تبدأ تدي الجرعة تللي انت عاوزها بجرعة ابتدائية 500 مللي مرتين في اليوم وبعد أسبوع تزود 500 لغاية ما توصل الجرعة اللي انت عاوزها وحاسبها واللي هنا بنسميها
l Metformin من افضل ادوية السكر جرعته الكاملة ٢ جم يوميا تاثيره الكامل بيبان بعد ٣ شهور لذلك لازم نصبر عليه و نتاكد من compliance بتاع العيان عليه لان ناس كتير بتبطله علشان git upset او على الاقل بينسى جرعة من الجرعتين لذلك الشركة المصنعة ليه نزلت نوع جديد اللى هو glucophage 1 gm XR tab و ده بيحسن compliance لانك بتبدى بقرص يوميا بعد العشاء و بعد كده تزوده ل ٢ قرص بعد العشاء كجرعة واحدة بينزل HbA1c لحد ١.l
Amaryl
Amaryl
Amaryl
Amaryl
مين فينا ما سمعش الاسم ده ؟؟؟
دا دوا مشهور
وسيبنا من الكلام الاكاديمي و هانقول بالبلدي كدا
دا دوا بيزود انتاج الانسولين من ال beta cells لغاية ما يستهلكها ويقطع نفسها و يزود حساسية الخلايا للانسولين اللي طالع و يقفل علي الكبد ما يطلعش جلوكوز
،،،،،،،،،،،،،،،،،،،،،،
مش مهم الكلام دا
قولي يا عم كلام ينفعني في الروشتة!!!!!
طيب شوف
في منه تركيزات 1. 3. 2. 4. mg
لكن انت اوعي توصل الجرعة ل 8 mg
،،،،،،،،،،،،،،،،،،،،،،،،،،،،،،،،،،
امتي العيان يبلبعه؟؟؟؟؟
الصح بعد الافطار او مع الوجبة الاساسية
،،،،،،،،،،،،،،،،،،،،،،،
طيب اكتبه لمين
ممكن يتكتب لوحده ولو مافيش نتيجة مخلياك راضي بعد ما وصلت جرعتك الاقصي ممكن تديه مع انسولين ومع ميتفورمين
طيب انا هابدأ مع العيان العلاج اهه الزقه الجرعة القصوي علي طول ؟؟؟
لا يا عم زي ما تعودنا اديله ١ او ٢. مجم و ابدأ تابعه و زود الجرعة
بس شوف لو عنده الكلية تعبانة ابدا معاه ب ١مجم وشوف
وبالنسبة للكبد مافيش كلام ودراسات محددة لكن ريح دماغك و تجنبه في حالات
liver impairment
مشكلته الاساسية ال hypoglycemia وربع الحالات دي شكوتها الاساسية
لكن الامر ما يسلمش مع بعض الحالات و دي نسبة بسيطة من صداع ودوخة ودوار
،،،،،،،،،،،،،،،،،،،،،،،
تخيل بقي ان بعض المضادات الحيوية بتؤثر عليه
والمريض يجي يقولك يا دكتور انا اخددت المضاد الحلوي و دوخت من هنا وحضرتك ترد تقول له يا عم عيب دي الاطفال بياخدوه
في الحقيقة المريض بتاعك هو اللي علي حق!!!!
بعض المضادات بتعلي او تقلل شغله زي Ciproflxacin
Clarithromycin
Gemifloxacin.
وكمان المسكنات لانها برضوا بتتنافس معاه علي البروتين
،،،،،،،،،،،،،،،،،،،،،،،،،،،،،،،،،،،،،،،،
بالمناسبة اوعي تكتبه في الحالات دي
واحد عنده حساسية من السلفا !!!!
بقولك glimipride من عائلة ال sulfonylurea تقوم تكتبه لمريض عنده حساسية من السلفا ،،،دا كلام !!!!!!
مريض عنده DKA. ومش فاكر ليه ويا ريت حد يفكرني
و مع الحامل
ومع IDDM Type 1
،،،،،،،،،،،،،،،،،،،،،،،،، وكدا يبقي خلصنا الاماريل
بالمناسبة تركيزه هنا 1. 2. 3mg
مش عارف بقي ايه التركيزات الموجودة في مصر
بالمناسبة بنبدأ بيه بالجرعة اللي هي 75 مجم مرتين في اليوم لمدة اسبوع او اتنين وبعدين انقله علي ال 150
Diamicron
Diamicron
Diamicron
Diamicron Diamicron Diamicron Diamicron Diamicron Diamicron
ها نتكلم النهاردة عن تالت اشهر دوا في أدوية السكر بالفم
ومعانا النهاردة حبيب المرضى Diamicron
وببساطة دا من مجموعة ال sulphonyurea
والمادة الفعالة هي ال
gliclazide
.................... .
وتعالوا نجاوب علي الأسئلة المباشرة ب إجابات مباشرة
.....................
ب يستخدم مع مين؟ ؟؟
مريض السكر النوع التاني type 2
ومع الأدوية التانية طبعاً في combination therapy
......................
لا يستخدم مع مين؟ ؟؟
النوع الأول! !!!!!!!! Type 1
ومع الحامل و المرضعة
وخلي بالك الناس اللي كبدهم هلكان او وظائف الكلية عالية
لا تكتب دياميكرون لأنك مش مزنوق فيه
طيب اعراضه الجانبية ايه؟ ؟؟
انسي كلام الوهم كله وافتكر حاجتين!!!!
بيلعب في السكر والدم !!!!!
يعني بيعمل انخفاض مستوي السكر خصوصا في المرضى اللي حضرتك بادئ معاهم العلاج لسه..
وكمان العيانيين اياهم اللي بياخد العلاج من هنا ويفكر نفسه شمشون او عنتر و يعمل مجهود مضاعف او ما ياملش أساساً
لذلك
نصيحة مخلصة اوعي تظبط السكر لمريض سكر في مصر زي الكتاب مابيقول
اعمل لنفسك شريط حدودي واقي
المهم
تاني حاجة بيضربها هي خلايا الدم
انهي خلايا بالظبط؟ ؟؟
كله !!!!
علشان كده انت مش مزنوق فيه أن يكون في مريض انيميا او نزيف او نقص مناعة!!!!!
الجرعة
شوف بقي انا بصراحة شغال ب
Diamicron MR
ومش هافتي غير فيه!!!
دا بتاخد من 1 قرص الي 4 أقراص! !!
امتي؟ ؟
الصبح قبل الفطار
وبعدين؟ ؟؟؟
العيان ياكل ما يستهبلش!!!
لكن شوف دايما حفظ المريض بتاعك انه يثبت وقت البلبعة علشان ما يحصلش هبوط في تلسكر وكمان الدنيا تبقي تحت السيطرة
بالمناسبة
عموماً في كل البلابيع وخصوصاً ال دياميكرون ده قول للمريض اشرب العلاج بكوباية مية كبيرة وبلاش تقلد محمود ياسين في الأفلام وتشرب شفطة!!!
نزلي القرص في بطنك لو سمحت! !!
نقفل كلامنا بالاسكيما اياها
امتي تزود الجرعة؟ ؟؟
الإجابة. ..بص اول البوست
امتي تزود معاه دوا تاني؟ ؟؟
الإجابة. .بص اول البوست
امتي تقول العيان وصل التارجت ؟؟؟
الإجابة. ..بص اول البوست! !!!!
تمام كده يا دكتور محمد.....هوضح بس جزء صغير ان الدياميكرون ام ار فيه منه تركيزين 30 و 60 مجم......اقصى حاجه ليه 120 مجم فى اليوم......بيتاخد مره واحده يوميا فقط مش مرتين زى بعض الناس مابتكتبه
تظبيط السكر بيتم ب titration وما بين لاين والتاني شهرين تلاتة
والاهم كمان انه مرتبط بفهم و وعي المريض في قصة التغذية و كمان الرياضة
ادي نفسك براح شوية وبلاش ظبط العيان علي المسطرة
انا عارف ان اللي بقوله هراء علمي
لكن دي قناعاتي الشخصية
Pioglitazone
Pioglitazone
Pioglitazone
هانتكلم عن دوا مهم جدا في خطط علاج مريض السكر
تعالوا كالعادة نتكلم معلومات مباشرة علي اسئلة مباشرة
.......................................................
بيستخدم مع مين؟؟؟
الاجابة،،، مع مريض السكر النوع التاني type2 لوحده او مع ميتفورمين او مع ال
sulphonylurea
او مع الانسولين
الفكرة بس انك تعرف انك بتكتبه علشان المريض بتاعك عنده
insulin resistance
وعايز تديله دوا يحسن
target cell response to insulin
الجرعة بتاعته كام ؟؟؟ وبيتاخد امتي???
الدوا دا اللي عو في السوق اسمه actos في منه تركيزات 15. 30 45. ودا بيتاخد مرة واحدة في الصباح قبل الاكل
طيب بنبدأ بكام؟؟
بنبدأ ب 15 30 وممكن ازود ل 45
السؤال الاهم مين ماياخدوش؟؟
الاهم انك ما تكتبهوش لمريض
heart failure
خصوصا لو
congestive
لأنه بيزوده لا دا كمان حضرتك هاتتابع المريض احسن يجيله كد اصلا وببساطة لو المريض قال انا بدأت انهج بدأت وزني يزيد بدأت اورم انتبه للنقطة دي
كمان المريض اللي كبده تعبان بلاش تكتبه ليه لأنه بيتكسر في الكبد اصلا ودي تعرفها انك لو عملت للعيان تحليل ALT وطلع مرتين و نص ضعف الاحد الاقصي يبقي بلاش منه،،و يفضل مرة كل شهر تقيس ال ALT
كمان الستات اللي سنهم كبر و داخلين علي
MENOPAUSE
تخلي بالك معاهم ان هوووووووب ممكن الست تحمل لانه بينشط التبويض لذلك تأكد ان الوسيلة بتاعتها فعالة
كمان ما تكتبوش لواحد عنده CANCER BLADDER
الاسم التجاري بتاعه في السوق اسمه
actos
وهو من مجموعة دوائية
thiazolidedione
اللي بتشمل كمان ال
rosigiltazone
وحاجة كمان بس مش فاكرها الصراحة!!!!!!!!
كدا يبقي اتكلمنا عن ال
pioglitazone
الايام الجاية نتكلم بقي عن ال
DDP4 inhibitors
لأنها اللموضة اللي ماشية اليومين دول
تمام يا دكتور محمد.....حاجه صغيره بس ان احسن ناس هتستفاد من المجموعه دى اللى عندهم
insulin resistance
...طيب هعرف منين ..بسيطه لو فيه
abdominal obesity
...بمعنى...
waist to hip circumferene
MLAE اكتر من 90سم لو
...او 80سم لو
female
وممكن حاجه تانيه اسمها ا
acanthosis nigricans..
........
بس خلاص انا تعبت النهاردة!!
لما استريح هشرح اقلام الانسولين glargine insulin
ازاي ابدأ بيها و احسب جرعتها ازاي و اتابع ازاي و ازود و انقص امتي
دمتم بود
تقدر تتابع كل ملفاتي في تبسيط الموضوعات الطبية علي الرابط ده
https://m.facebook.com/RwshtkAyh?tsid=0.6563978081103414&source=typeahead
هاضيف دلوقتي الجزء اتفقنا عليه
وهو ازاي تستخدم الاقلام glargine insulin
اولا////
مريض بياخد للسكر اقراص بالفم و السكر مش مظبوط وخدت قرارك انك هاتديله انسولين جلارجين لازم تبقي عارف الاتي...
1- بتاخد مرة واحدة في اليوم مش مهم امتي لكن لازم تثبت الموعد طول الايام
2-للأطفال فقط من هم اكبر من 6 سنوات
3- مش هو النوع الامناسب للاستخدام مع الdiabetic ketoacidosis
4- هاتزوده مع اقراص ادوية السكر بمعني مش هاتكتبه لوحده او هاتلغي الاقراص وتكتبه لوحده...لازم يتكتب معاه الاقراص او نوع انسولين تاني هاشرحه بعدين لكن لازم تبقي عارف انه معاه حاجه
ثانيا///////////
هابدأ بكام ؟؟؟
ب 10 وحدات بس مع الاقراص و بعدين بعد اسبوع قيس ور كز معايا الله يكرمك
هدفنا ان السكر صايم يكون اقل من ...<<<<<< 100
لو لقيته اكبر من 120 يبقي زود 2 وحدة
لو لقيته اكبر من 140 يبقي زود 4 وحدة
لو لقيته اكبر من 160 يبقي وزد 6 وحدة
لو لقيته اكبر من 180 يبقي زود 8 وحدة
..............................................................
ملاحظ حاجة يا دكتور
طريقة سهلة للحفظ زود رقم العشرات اللي في الرقم بمعني 120 زاد اتنين
و ال140 زاد 4
و ال160 زاد سته
وال 180 زاد تمانية.....
معايا يا مولانا؟؟؟
يبقي الخلاصة ابدا ب 10 واشوف العيان بعد اسبوع و بتابعه عن طريق الفاستنج اللي هو السكر صايو وازود زي ما اتفقنا و هدفي اخليه اقل من 100
ثالثا توقعاتك للجرعة مه العيان شوف
غالبا العيان اللي وزنه من 70 حتي 90 كيلو غالبا هايحتاج من 20 ل 27 وحدة
واللي وزنه من 90 حتي 100 هاياخد من 35 حتي 40 وحدة
واللي وزنه من100 و انت طالع غالبا هايحتاج اكتر من 50 وحدة
رابعا ازاي انقل من الميكستارد عليه دا جدول يا فندم هاجيبه ارفعه للتعليقات بيحول الوحدات من الميكستارد لجلارجين
DPP-4 inhibitors
اكتر مجموعة دوائية جالي عليها استفسارات
المجموعة اللي منها
Janumet
Januvia
Gulves
.......etc
لكن انا مش عارف ابسطهم !!!
لأنه علشان نفهم و نستوعب المجموعة دي و ازاي هانستخدمهم يبقي لازم تستحملوني اقول حبة تشريح و حبة فسيولوجي علشان نفهم القصة ماشية ازاي
.................
اللي باله طويل يكمل معايا!!!
..................
هاقول علي هيئة اسئلة و أجوبة علشان ننجز
1.هو ايه البنكرياس ههههههههه ؟؟؟
دا فضلة خيرك عضو كدا في البطن ورا المعدة كدا له راس و جسم و ديل بيفرز نوعين من الافرازات
الأولي اسمها انزيمات الهضم Amylase /lipase
و دي بتطلع من ال acini
و بيصبها في ال duedenum
الثانية
هرمونات اللي بتنظم مستوي الجلوكوز في الدم ودي بيصبها في الدم مباشرة علشان تنظم مستوى الجلوكوز في كل الجسم
.............................
س2 الهرمونات اللي بتنظم الجلوكوز دي هي الانسولين فقط؟ ؟؟
الاجابة لأ
الانسولين واحد من 4 هرمونات بس هو اهمهم
..................
طيب ايه الهرمونات التانية دي و بتعمل ايه بالضبط ؟؟؟
البنكرياس يوجد فيه 4 خلايا بتفرز هرمونات
1-Alpha cells
ودي بتطلع هرمون اسمه glucagon و بيطلع لما مستوي الجلوكوز يقل في الدم hypoglycemia يقوم بطريقة معينة يزود الجلوكوز في الدم
2-Beta cells
و دي بتطلع هرمونين
الانسولين ودا اللي بيطلعه الجلوكوز علشان يخليه ينظم مستواه و ما يحصلش Hyperglycaemia
وكمان بتطلع هرمون Amylin اخو الانسولين الصغنن و دا بيساعد الانسولين عن طريق انه بيقلل افراز هرمون ال glucagon اللي هو عكس الانسولين (واضحة!!)
كمان بينشط احساس الاشباع في الدماغ promotes satiety وبالتالي حضرتك ما تفضلش تاكل علي البحري و السكر يعلي
كمان بيقلل افراغ المعدة بسرعة و يخليه بطي Slow gastric empying
و بالتالي لما الاكل يتهضم مايروحش للامعاء مرة واحدة و يحصل Hyperglycaemia
3-gamma cells
ودي بتفرز pancreatic polypeptide ودي انا مش عارف دورها ايه في تنظيم الجلوكوز ههههههههههه
4- Delta cells
ودي بتطلع somatostatin hormone
ودا طرف محايد زعلان من الانسولين و الجلوكاجون و بالتالي بيقلل افراز الاتنين! !!!!
و برضوا بيعمل Slow gasric emptying زي ال Amylin بالظبط
.........................
س السؤال بقي الانسولين بينظم السكر ازاي ؟ .
شوف بقي القصة طويلة جدا و متاهة دوخيني يا لمونة لكن انا هاقول الاهم بس
افتكر شغله في ال 3 اماكن دول
1- الكبد
بياخد الجلوكوز يدخله الكبد يخزنه هناك علي هيئة glycogen عن طريق عملية اسمها glycogenesis
و يمنع العملية العكسية اللي اسمها
Glycogenolysis
وكمان في الكبد يعمل fatty acids
اللي لما ترتبط ب الglycerol تبقي triglycerides
ويمنع العملية العكسية اللي اسمها Gluconeogenesis اللي بتحول ال glycerol للجلوكوز
2... العضلات skeletal muscle
و هنا بياخده يدخله يحرقه يطلع من طاقة ATP في عملية اسمها
Glycolysis
وكمان لازم نفتكر انه كمان بياخد ال Amino Acids يعمل من بروتين العضلات في عملية اسمها protien synthesis
و بيمنع العملية العكسية اللي اسمها proteolysis اللي بتحول البروتين ل Amino acids
3..ال adipose tissue
و هنا الانسولين بياخد ال Fatty acids يحولها الي triglycerides
عن طريق عملية اسمها
Lipiogenesis
و بيمنع العملية العكسية اللي اسمها lipolysis اللي بتحول ال triglycerides الي fatty acids
السؤال بقي
ايه دور الجلوكاجون glucagon؟؟
الاجابة ببساطة هو عكس دور الانسولين يعني شوف الانسولين بيعمل ايه و اعكسه يطلع الجلوكاجون
لكن عاوز اوضح نقطة فلسفية محمحية صغننه خالص و هي ان الانسولين اينعم اهلي و زمالك و هدف كل واحد فيهم عكس التاني لكن الاتنين مش antagonist لبعض !!!!
يعني عارف الانسولين بيقلل افراز الجلوكاجون
لكن الجلوكاجون بيشجع علي افراز الأنسولين! !!
عارف ليه ؟ ؟
اللي هايقول هاخده بالحضن و اعمل له فرح (الكلام للزملاء فقط)
لأنه يا مولانا الجلوكاجون اينعم بيعكس شغل الانسولين لكن هو دوره انه يزود الجلوكوز ولما يزيد الجلوكوز يبدأ يحفز الانسولين و كمان الجلوكاجون نفسه بيشجع ارتفاع الانسولين علشان المريض ما يدخلش في Hyperglycaemia
عرفت بقي هما ازاي عكس بعض بس مش antagonist
السؤال بقي اللي هايوصلني ل DPP-inhibitors
هل هرمونات البنكرياس بس يا عم الحاج هي اللي بتنظم مستوي الجلوكوز في الدم؟ ؟؟؟
الإجابة لأ
و دا مربط الفرس
الامعاء بتفرز هرمونات بتشارك في القصة دي
الهرمونات دي اسمها
Incretin Hormones
و دي في المجمل قبل ما اشرح بالتفصيل بتزود افراز الانسولين و بتطلع لما الانسان ياكل و يبدأ الجلوكوز في الزيادة
ودول هرمونين
1..GIP
gastric inhibitory hormone
وده بيطلع من اخر ال duedenum و اول ال jeujenum
و ده بيزود انتاج الانسولين زي ما قلنا
2...GLP-1
وده بيطلع من ال Colon و ال illium
ونفس القصة بيزود افراز الأنسولين
وكمان بيساعده عن طريق
Slow gasric emptying
Promotes satiety
Increase insulin sensitivity in adipose tissue and skeletal muscle
..............................
وصلنا بقي ل زبدة الموضوع
وصلنا بقي للخلاصة
الهرمونين دول في انزيم بيكسرهم اسمه
DPP
قامت شركات الأدوية عملت ادوية سكر تمنع الانزيم ده و سموها DPP-INHIBITORS
و بالتالي الهرمونين ما يتكسروش و بالتالي انتاج الانسولين يزيد
الشرح لدكتور
0 التعليقات:
إرسال تعليق