أحلي قصة حب (( هبة )) الحلقة الثالث...

الحلقه التالته :

تاني يوم الصبح 
......................

ميرفت : يلا يا بنات اصحوا بقي
امينه : هي الساعه كام ياماما
ميرفت : الساعه بقت 11 يلا قومي يا امينه عشان باباكي شويه ونازل يصلي الجمعه
امينه : حاضر ياماما
ميرفت : يلا ياهبه قومي كفايه بقي نوم
هبه : لا ياماما سيبيني انام شويه
ميرفت : ابوكي هيزعق لو لاقاكي لسه نايمه
هبه : طيب هي الساعه كام
ميرفت : الساعه 12 ونص
هبه : 12ونص طيب سيبيني نص ساعه كمان
ميرفت : يلا ياهبه بقي متخلينيش ازعق واعلي صوتي عليكي
هبه : يووووووووووووه ياماما بقي طيب طيب هاقوم اهو
ميرفت : ايوه كده يلا قومي
هبه : بتبص في موبايلها هي دي 12ونص بردوا ياماما بردوا مافيش فايده فيكي الساعه لسه 11
ميرفت : 11 وربع اهو
هبه : طيب سيبيني بقي نصايه
ميرفت : انتي مش خلاص قومتي يلا بقي ابوكي هيزعق وهيبهدل الدنيا وانتي عارفه انه مبيحبش النوم لوقت متاخر بيحبكم تصحوا بدري
هبه : حاضر
قامت هبه دخلت الحمام تغسل وشها وسنانها بعد فقدان امل من انها تنام تاني
......................................................................
علي اعد عمال يقرا في المصحف لحد اذان الظهر
امينه : صباح الخير يابابا
علي : صدق الله العظيم ..... صباح الخير ياامينه تعالي ياامنيه عايزك في موضوع كده
امينه : خير يابابا
علي : بصي ياحبيبتي الموضوع اللي هاكلمك فيه ده انا عايزك تفكري فيه كويس قبل اي رد وقبل اي قرار والكلام اللي هاقولوا مش فرمان عليكي ولا انتي ملزمه باي حاجه منه ماشي ياامينه
امينه : ماشي يابابا بس انا مش فاهمه اي حاجه لحد دلوقتي
علي: الموضوع
دخلت ميرفت عليهم
ميرفت : يلا ياعلي الفطار جاهز يلا عشان تلحق تفطر قبل الصلاه
علي : طيب يلا ياامينه نروح نفطر وبعد الصلاه اكلمك في الموضوع اللي عايزك فيه
امينه : ماشي
علي وامينه وهبه وميرفت اعدين علي السفره بيفطروا وطبعا هبه مبتبطلش ونقار مع امينه ومع علي وميرفت طول الوقت تسكت فيهم
ليلي راحت لكريم البيت ............. كريم مأجر شقه مفروشه واعد فيها لوحدوا .....
"كريم شخص غني جدا واهله اغنياء جدا مسافرين بره وهو عايش في الشقه دي لوحدوا عايش حياته بالطول والعرض وبيصرف زي ماهو عايز "
كريم بيفتح الباب واتفاجئ بليلي علي الباب
كريم : ليلي ؟! ايه اللي جابك هنا
ليلي : كريم طيب مافيش حتي اتفضلي
كريم : اتفضلي ياستي
ليلي : كريم ممكن افهم ايه اللي مغيرك معايا كده
كريم : ولا اي حاجه انا متغيرتش انا مشغول شويه بس
ليلي : مشغول ؟ مشغول في ايه ؟
كريم : ليلي انا مش فايق لدلع البنات بتاعك ده
ليلي : بتقرب من كريم وبتحضنه وبتقولوا يعني موحشتكش
كريم : يووووووووه ........ زق ليلي وقعها علي الكرسي
ليلي : بتعيط
كريم : مد ايده لـ ليلي : اسف ياليلي بس انا تعبان وانتي مش حاسه بيا وعماله تقوليلي وحشتك وموحشتكش وانا اللي فيا مكفيني
ليلي : مانا كمان في مصيبه يا كريم وانت مش حاسس بيا ياكريم انا بحبك ومقدرش ابعد عنك
كريم : وانا بصراحه كده ياليلي مش هاقدر اكمل معاكي
ليلي : يعني ايه ؟
كريم :يعني من الاخر كده انا مش هاتجوز واحده مشيت معاها
ليلي : مشيت معاها بقي دي اخره انطباعك عني بس ياكريم انت عارف كويس ان اللي بنا اكبر من ده كله وعارف اني سلمتلك نفسي عشان بحبك
كريم : انا مغصبتكيش علي حاجه ياماما كله كان بإرادتك
ليلي : بارادتي اه بس انت وعدتني اننا هنتجوز مش ذنبي اني وثقت فيك
كريم : وانا مش ذنبي اني اتحمل ده انا مالي انا مش هاينفع اكمل معاكي من الاخر بقي واديني صارحتك
ليلي : بس ياكريم انت لو متجوزتنيش هتبقي كده فضحتني احنا لازم نتجوز
كريم : والله وانا مين بقي يضمنلي انك ممشتيش مع حد غيري
ليلي : ايه ؟
كريم : مسك ايد ليلي وزقها وفتح باب الشقه وهو بيمشيها وبيقولها : بوقلك ايه بقي امشي اطلعي برا بقي عشان انا مش فايق لدلع البنات بتاعك ده واديني بقولهالك صريحه اهو متتصليش بيا تاني ومتوجعليش دماغي ماشي يلا برا
ليلي : ماشي ياكريم .... اوعي كده " زقت ليلي ايد كريم اللي كان ماسكها " بس خليك فاكر انك انت اللي بديت والبادي اظلم ومتندمش بقي من اللي هيجرالك
كريم : ههههههههههه هيجرالي انتي بتهدديني يابت ولا ايه ده انا افضحك في كل حته واخليكي متعرفيش تمشي في الشارع تاني انتي عبيطه ولا ايه يابت
ليلي : عبيطه .... اه عبيطه بكره تشوف العبيطه دي هتعمل ايه مبقاش ليلي الجبالي ان ماخليتك تزحف ورايا وتبوس ايدي ورجلي ياكريم عشان ارحمك ووقتها مش هارحمك
كريم : هههههههههههههههه لالالا ونبي خوفت امشي يابت اطلعي برا انا مش ناقص قرفك
مشيت ليلي وهي مش عارفه تعمل ايه وخايفه ومدايقه
...........................................................................
بعد صلاه الجمعه ما خلصت
جيه علي ونادا علي امينه
علي : امينه ياامينه
امينه : نعم يابابا
علي : تعالي ياحبيبتي عايزك
امينه : حاضر
دخلت امينه هي وباباها البلكونه واعدوا يتكلموا
امينه : خير يابابا
علي : خير ان شاءالله
امينه : اعده مركزه مع باباها عشان تسمعوا
علي : بصي ياستي عمك محمود لما جيه امبارح كان جاي عشان يكلمني في موضوع كده
امينه : ايوه يابابا موضوع ايه ؟
علي : عمك محمود عايزك لعادل ابنه
امينه : عايزني ازاي يعني .... امينه مصدومه من الكلام
علي : يعني عايز يخطبك لعادل ابنه
امينه : ساكته
علي : بصي ياامينه انا لو فكرت في عادل مش هلاقي ليكي احسن من ده عريس لكن يابنتي انا زي ماعودت من صغرك انتي واختك كله الاموضوع الجواز القرار كله يرجع ليكي لوحدك انا قولت اقولك وبس والقرار بالموافقه او الرفض يرجعلك انتي وانسي خالص ان عادي يبقي ابن عمك اعتبريه واحد عادي وجاي يتقدملك ماشي ياحبيبتي فكري وابقي قوليلي ردك
امينه : بصراحه يابابا انا محتاره انا مشوفتش عادل اصلا غير بتاع 3 او 4 مرات من ساعه ما كبرنا ومش قادره اقرر دلوقتي يابابا خالص انا معرفش حتي عادل بيفكر ازاي انا عايزه قبل مااوافق لازم اشوفوا واعد اتكلم معاه الاول
علي : ماشي يا بنتي وانا موافق شوفي حابه امتي وانا هاقول لعمك ولو كده تتقابلوا في اي مكان بره البيت عشان متحرجيهوش لو كان الرد بالرفض كده كده انا عارف كويس ان عادل عايزك ومعجب بيكي
امينه : مصدومه ومش فاهمه اي حاجه عايزني ومعجب بيا هو شافني ولا عرف شخصيتي عشان يقول اصلا انه معجب بيا
علي : ها ياامينه قولتي ايه اكلم عمك
امينه : ماشي يابابا
...........................................................................
علي بيكلم محمود
........................
محمود : اهلا ياعلي ها خير
علي : بص ياسيدي انا قولت لامينه وامينه بتقول انها عايزه تشوف عادل الاول وتتكلم معاه وانا قولتلها اني موافق فا ايه رائيك لو يتقابلوا بره بحيث لو محصلش اي نصيب بينهم ميبقاش اي حد فيهم اتحرج
محمود : انا موافق طبعا يا علي هو انا اقدر اقول رائي بعد رائيك ده ده كده عين العقل كمان وانا حاسس انهم ان شاءالله هيكونوا لبعض والموضوع يتم
علي : يسمع من بوقك ربنا يامحمود ياخويا انا نفسي افرح بامنيه بقي نفسي اشوفها عروسه قبل مااموت
محمود : بعد الشر عليك ربنا يديك طولت العمر ياخويا المهم انت ايه رائيك يوم التلات الجاي يتقابلوا
علي : انا موافق طبعا
محمود : خلاص علي بركه الله
...........................................................................

هبه اعده قدام الكمبيوتر كالعاده
دخلت عليها امينه وهي سرحانه ومش معاها اعدت علي السرير وعماله تلعب في شعرها
هبه : امينه مالك ؟
امينه : سرحانه
هبه بتشاور لامينه بايدها : امينه ياامينه هايي انتي روحتي فين يابنتي
امينه : ايه ... بتقولي حاجه ياهبه
هبه : لا ياروح هبه مش بقول حاجه
امينه : بتتريقي عليا ياهبه
هبه : مال يا بنتي انتي انهارده مش طبيعيه
امينه : اصل جالي عريس
هبه : بفرحه وبصوت عالي : هيييييييييه بجد مين ؟
امينه : هووووووووووووش بس وطي صوتك
هبه : مين قولي ؟
امينه : عادل
هبه : عادل ! عادل مين
امينه : يابت عادل ابن عمك
هبه : اه اتاري عمي كان عندنا امبارح ايوه ياعم الله يسهلوا بقي
علي دخل علي امينه وهبه
علي : امينه
امينه : ايوه يابابا
علي : يناسبك يوم التلات ياحبيبتي عشان الموضوع
امينه : اه يابابا مناسب اوي ما انت عارف ان التلات يوم اجازتي
علي : ماشي ياحبيبتي خلاص .... هبه هتبقي تروح معاكي ماشي
هبه : بفرحه : ماشي
امينه : ماشي
..........................................................................
ليلي اعده في اوضتها بعد مقابلتها مع كريم وهي هتطق ومش عارفه تعمل ايه
فتحت الفيس عشان تكلم هبه
ليلي : هبه لما تفتحي كلميني ضروري انا مش معايا رصيد عشان اتصل بيكي عايزاكي في موضوع مهم حياه او موت
بعد ربع ساعه من ان ليلي بعتت الرساله لهبه
هبه ردت
هبه : في ايه ياليلي قلقتيني انا هاكلمك حالا
فعلا هبه اتصلت بليلي
ليلي : هبه الحقيني انا في مصيبه كبيره اوي ومش عارفه اعمل ايه
هبه : في ايه يابنتي خير
ليلي : الكلام مش هينفع في التليفون ارجوكي اطلعيلي ضروري
هبه : ماشي
فعلا طلعت هبه لليلي
هبه : خير يابنتي قلقتيني مصيبه ايه بس كفي الله الشر
ليلي : مصيبه كبيره اوي انا واقعه فيها