أحلي قصة حب (( سلمان ومريم )) الحلقة الاولي ...

نقدم لكم قصة ( سلمان و مريم )

الحلقه الاولي :

هبه اعده قدام الكمبيوتر وفاتحه الفيس بوك واعده عماله تقلب في الصفحات بملل وتتفرج علي الاصدقاء بملل 

في وسط تقليبها للصفحات اتفجأت بجمله دي 

" جمعتهم علاقة تحمل كل اشارات اللا منطق .. منحت هذه العلاقة كليهما، منطق السعادة ، التي لم يجدها كلٍ منّهما عند أحد آخر .

فإن كان قد منحها لحظات من السعادة فقد منحته هى عمرا كاملا من الحنان .. فهى تملك من العقل الكثير ومن العفوية والبراءة والحنان الاكثر.

ومن الانوثة ما يكفى ان يجعله اعمى عن كل نساء الكون . دائما تقسو علي نفسها. . تحملها أكثر مما تحتمل .

لكنها مازالت - وستظل - محتفظة ببراءة الطفل في داخلها .. حتى وان لوثتها الايام والظروف والمواقف رغما عنها ...

و ما زالت تلك الانثى الحرة التي لم يستطع احد أن يجعلها تنحني له ... قد يكون هو الشخص الخطأ الذى عاشت معه تجربتها الوحيدة ،

ولكن من المؤكد انها الشخص الصحيح الذى دخل حياته بالخطأ " 

امضاء " محمد يوسف " 

هبه اتعدلت بعد ماقرت الجمله دي اكتر من مره وركزت في الاسم قوي محمد يوسف ... بدأت تتفرج علي الصفحه تاني وتشوف اسم الصفحه لاقت مكتوب " حبي ليكي اكبر وهم " بدات تتفرج كتير علي الكلام اللي موجود جوه الصفحه وكل الكلام مكتوب فيه اسم محمد يوسف 

بدات تتفرج علي الكومنتات لانها كانت عندها فضول عايزه تعرف مين محمد يوسف وفي وسط الكومنتات الكتير وبعد حوالي اكتر من 4 ساعات تدوير لاقت الاكونت بتاع محمد يوسف 

بتلقائيه دخلت تشوف الصفحه ومن حسن حظها انه كان عامل الصفحه عام 

بدات تقرا حاجات كتير هو كاتبها من ضمنهم 

" ورقه في عرض البحر مكتوب عليها انقذوني " 

محمد: الجمله دي قريتها اكتر من مره من كتاب هيبتا للمبدع محمد صادق اد ايه حسيت ان الروايه دي عبرت عن شخصيتي واد ايه حسيت اوي الجمله دي انا مجنون قرايه فعلا بس عمري ما قريت روايه وحفظت جمله منها بشكل ده او اثرت فيا بالشكل ده 

................................................................

هبه بتلقائيه لاقت نفسها بتبعت اضافه لمحمد يوسف وفي خلال ربع ساعه جالها تم قبول الاضافه 

في المحادثه 

هبه : ميرسي جدا لقبول الاضافه 

محمد : العفو ياجميل 

هبه : علي فكره كلامك حلو اوي وانا حساه اوي وحاسه انك حاسس كل كلمه بتكتبها 

محمد : شكرا ليكي اوي يا هبه 

هبه : 

محمد : وده اسميه ايه ؟ 

هبه : اللي هو ايه ؟! 

محمد : الايموشن اللي بعتيه ؟

هبه : اه .... لا عادي بس اصل مش لاقيه كلام اقولوا 

محمد : هبه انتي منين ؟

هبه : انا من كايرو 

محمد : منين من القاهره ؟

هبه : مدينه نصر 

محمد : اه ده انتي بقي اعده في وسط المعمعه 

هبه : معمعه ايه !

محمد : اقصد في وسط المظاهرات بتاعت رابعه والاخوان والضرب والمشاكل اللي حاصله في البلد 

هبه : اه بس عادي اتعودنا علي القلق االلي موجود 

محمد : طيب كويس ربنا معاكي انتي بتدرسي ياهبه

هبه : اه انا في سنه تانيه اداب قسم علم نفس 

محمد : علي كده بقي انتي من الاشخاص المعقدين 

هبه : اديقت اوي من الكلمه دي ! وبنرفزه .... لا طبعا انا مش معقده ولا حاجه علي فكره انا زيي زي اي بنت عادي جدا 

محمد : خلاص خلاص انا بهزر علي فكره مقصدتش اي حاجه يعني ! 

هبه : عادي وانا مزعلتش اصلا 

محمد : اومال قفشتي ليه بس 

هبه : انا لاقفشت ولا بتاع عادي يعني عامتا انا عجبني كلامك وحبيت اقولك ان كلامك حلو او وكتاباتك حلوه سلام 

محمد : شكرا ليكي بس استني بس يا بنتي متقفليش ومتقفشيش 

هبه : نعم 

محمد : ممكن افهم انتي قفشتي ليه بس 

هبه : اصل انت بتقول عليا معقده وانت تعرفني منين عشان تقول ان كنت معقده ولا لا 

محمد : والله يابنتي كنت بهزر وبعدين خدي مني علي كده انا بحب الهزار وبعدين ياستي انا اللي معقد كده حلو 

هبه : ياسيدي لا انت معقد ولا انا معقده 

محمد : ههههههههههه بس قوليلي بقي صحيح ايه الصوره اللي انتي حطاها دي ؟

هبه : صوره البروفايل 

محمد : اه 

هبه : عادي اصلي بحب باريس وبرج ايفل 

محمد : اممممم بتحبي باريس واشمعني باريس ؟!

هبه : دي بلد العشاق يابني 

امينه تدخل اوضه هبه وهي بتنادي عليها 

امينه : ياهبه .... هبه 

هبه بتكلم محمد : طيب سلام دلوقتي عشان اختي بتنادي عليا 

محمد : اوك سلام هتفتحي تاني ولو هتفتحي هتفتحي الساعه كام 

قفلت هبه قبل ماتشوف رساله محمد وترد عليها 

امينه : هبه ... بتعملي ايه ؟

هبه : ولا حاجه كنت اعده فاتحه النت والفيس 

امينه : يادي الفيس بوك اللي جننك ده يابنتي اعدي اعملي حاجه مفيده عن الفيس والكلام الفارغ ده 

هبه : وايه هي بقي الحاجه المفيده اللي الواحد يعملها ياست امينه 

امينه : اقري كتب .... اتعلمي اي حاجه جديده 

هبه : اقرا كتب واتعلم اي حاجه جديده زي ايه الحاجه الجديده اللي اتعلمها 

امينه : اي حاجه يابنتي هو انا اللي هاقولك اتعلمي ايه وبعدين اقري كتب علميه 

هبه : لا ونبي يا امينه انتي عارفاني انا ماليش خلق للقرايه زيك ولا في عمار بيني وبينها ولا حتي بطيقها وبعدين كفايه عليا كتب الكليه 

امينه : انتي جاهله يابنتي ثقفي نفسك شويه 

هبه : ههههههههه سبنالك انتي الثقافه ياابله 

امينه : بكره تندمي علي الايام دي اللي بتضيعها علي الفيس والرغي مع الناس ملهومش اي 30 لازمه وبعدين انتي مبتزهقيش من الرغي مع الناس دي 

هبه : لاطبعا مش بزهق 

ميرفت " والده امينه وهبه " : يابنات انتوا اعدين هنا وسايبني لوحدي بجهز الغدا يلا عشان باباكم زمانه جي بعد شويه يلا عشان الحق اخلص الغدا وبعدين عمك محمود جاي مع ابوكم 

امينه وهبه : حاضر ياماما جايين 

فعلا قامت هبه وامينه عشان يساعده ماماتهم في تجهيز الغدا امينه برغم انها بتشتغل الا انها ست بيت شاطره جدا اما هبه ملهاش في اي حاجه خالص ولا حتي بتعرف تسلق بيض 

في المطبخ 

............

ميرفت : امينه خدي ونبي اعملي الرز علي ماانا اعمل الملوخيه والفاصوليا 

هبه : ماما هو انتي مش عامله ليا بطاطس ومكرونه ليه انتي مش قولتي هتعملي مكرونه وبطاطس 

ميرفت : لا ياحبيبتي ازاي انا مقشره البطاطس اهي وسلقت المكرونه بس قولت هاعملهم في الاخر وانا اقدر انساكي بردوا 

هبه : باست ماماتها : ياحبيبتي ياماما ربنا يخليكي ليا 

امينه : افضلي انتي كده ياماما دلعي فيها 

هبه : بطلع لسانها لامينه وبتغيظها وبتقولها : انا الصغيره الدلوعه غيرانه ليه ها 

امينه : ههههههههههه قصدك انتي الصغيره الهبله العبيطه 

هبه : شايفه ياماما بتقولي ايه ؟ 

ميرفت : يلا ياهبه بقي بلاش دلع اعملي العصير عشان عمك اللي جاي 

امينه : لسه بدري ياماما متقلقيش لسه باقي ساعه ونص علي رجوع بابا 

هبه : هو عمي جاي ليه ياماما 

ميرفت : يعني ابوكي قاللي عمك جاي يتغدا عندنا انهارده اقولوا اخوك جايلنا ليه 

اعدت ميرفت وامينه وهبه في المطبخ بيجهزوا الغدا 

..........................................................................

محمد بعد ماقفلت هبه اعد مستغربها اوي وقال 

محمد : والله شكلها عيله صغيره دي استحاله تكون في 2 كليه دي اخرها اولي ثانوي ههههههه 

دقايق وكتب علي صفحته الشخصيه 

" شخص ميت من زمان وضايع ومالوش عنوان " 

دقايق ولقي لايك من ادهم صاحبه وكومنت 

ادهم : انت ياعم التايه رد علينا 

...........................................................

في الشات 

محمد : ازيك يا واد 

ادهم : اهلا اهلا فينك ياواد من زمان مش باين ليه 

محمد : موجود ياعم بس اعمل ايه مخنوق 

ادهم : مخنوق من ايه يابني 

محمد : هاقولك ومتتريقش عليا 

ادهم : قول يا عم 

محمد : انا وسلمي سيبنا بعض 

ادهم : 

محمد : ايه يابني اقفل بوقك ده 

ادهم : 

محمد : هنقضيها عبط وايموشنات هبله 

ادهم : طيب اعمل ايه اصلي مش مقتنع وبعدين اصلي بصراحه اتعودت عليكم كده 

محمد : ازاي يعني ؟!

ادهم : اصل دي يجي 10 مره تسيبوا بعض وترجعوا تاني انا مش فاهم اومال لو مكنتوش بتحبوا بعض كنتم عملتوا ايه 

محمد : لا المره دي بجد ومافيهاش رجوع 

ادهم : مش مصدقك يابني كل مره بتقول كده 

محمد : لا المره دي صدقني بقي 

ادهم : اشمعني 

محمد : ادخل صفحتها الشخصيه وانت تعرف 

ادهم : ماشي 

ادهم فعلا دخل علي اكونت سلمي اللي هي صديقته وصديقه محمد او بالاصح كانت حبيبه محمد واتصدم لما شاف الاكونت

.

.

.

انتظرونا في الحلقة الثانية